Հայաստանի նման փոքր երկրում դժվար է ենթադրել, որ հնարավոր են շրջակա միջավայրի աղտոտման վերաբերյալ խնդիրներ, սակայն, փաստացի երկրի ընդերքը հարուստ է երկաթով, պղինձով, մոլիբդենով, ցինկով, ոսկով և այլ մետաղներով ու հետևաբար, հանքարդյունաբերողների կողմից շրջակա միջավայրի աղտոտումը բավական արդիական խնդիր է դարձել։ Բացի այս հիմնական մետաղներից, այլ մետաղների շարքին են դասվում ռենիումը, սելենիումը, կադմիումը, ինդիումը, բիսմութը։ Ներկայումս շահագործման մեջ են գտնվում մոտ 400 հանքեր, ու հարկ է նշել, որ այն կազմում է ՀՀ արդյունաբերության հիմնական մասը և ընդհանուր արտահանման ծավալների կեսը։ Հաճախ այս հանքերի սեփականատերերը անհայտ են, քանի որ օֆշորում մի շարք ընկերություններ կան գրանցված։ Սակայն պարզ է, որ ՀՀ հիմնականում նախկին կառավարության քաղաքական վերնախավի անդամները մասնաբաժիններ ունեն այդ ընկերություններում։ Որոշ ընկերություններ, որոնք գործում են Հայաստանի տարածքում, պաշտոնապես գրանցված են Եվրամիության տարածքում։ Ընդհանուր առմամբ, ՀՀ կառավարությունը երկակի իմաստ ունեցող օրենքների միջոցով ու հանքարդյունաբերության ոլորտի համար նախատեսված ցածր հարկերով, կարելի ասել, խթանել է հանքերի շահագործումը։ Օրենքների երկակի բնույթը բնականաբար եղել է հօգուտ հանքարդյունահանող ըկներությունների։
Հանքերի շահագործումը ՀՀ-ում բավական աղետալի կերպով է կազմակերպված ու դա հանգեցնում է շրջակա միջավայրի աղտոտմանն ու բնակիչների՝ վաղ տարիքում զանազան առողջական խնդիրներ ունենալուն։ Հանքերի շահագործման արդյունքում անտառահատման քանակը նկատելիորեն աճել է, իսկ վարելահողերի տարածքը՝ կրճատվել։ Պոչամբարների՝ ծանր մետաղական նյութերով աղտոտված ջրերը բավական հաճախ հոսում են դեպի գետեր, լճեր ու ներծծվում հողի մեջ, որն էլ, ինչպես գիտենք հանգեցնում է ստորգետնյա/արտեզյան ջրերի թունավորմանը։ Եվ վերջապես, քանի որ ՀՀ-ում գետեր կան, որոնք հոսում են երկրի սահմաններին մոտ/երկայնքով, վտանգում են ոչ միայն Հայաստանի, այլ նաև հարևան երկրների՝ հատկապես Վրաստանի ու Ադրբեջանի քաղաքացիների առողջությունը։
ԵՄ-ը 2014-2017 թթ․-ին ՀՀ-ին 140-170 մլն դոլարի ֆինանսական աջակցություն է առաջարկել։ Այն հանգամանքը, որ Հայաստանի սահմանները երկու կողմից՝ Ադրբեջանից և Թուրքիայից, փակ են, սահմանափակում են Հայաստանում տնտեսական գործունեության ծավալները և կախվածություն առաջացնում արտաքին աջակցությունից։ Եվրամիության և այլ արտաքին կարծիքների ու խորհուրդների արդյունքում հանձն են առնվել հակակոռուպցիոն քայլեր։ Չնայած կարծես թե այն խորհրդանշական բնույթ է կրել, որը և հնարավորություն է տվել շարունակել ստանալ արտաքին աջակցություն։ Այժմ հակակոռուպցիոն աշխատանքներ են տարվում խնդիրը խորհրդանշական կարգավիճակից շոշափելի արդյունքների հասցնելու համար։
ՀՀ տնտեսությունը կախված է հիմնականում հանքարդյունաբերությունից, քանի որ այն աշխատատեղերի ապահովման հիմնական ոլորտն է, ու նաև դրա շնորհիվ է, որ կրճատվում է աշխատանքի նպատակով արտերկիր մեկնողների քանակը։ Սակայն դա չի նշանակում, որ այն իրավունք ունենք զոհաբերել բնությունը հանուն ժամանակավոր կարիքները հոգալուն։ Հանքարդյունաբերության ոլորտը հանդիսանում է նաև կոռուպցիայի խորհրդանիշներից մեկը։ Վերջինս արմատական բարեփոխումների կարիք ունի, որը, իր հերթին, պահանջում է կառավարության դիրքորոշման հստակությունն այնպես, որը կլինի ի շահ շրջակա միջավայրի պահպանման։
Եվ այո, դեռևս գոյություն ունեն բազմաթիվ խնդիրներ, բայց կան նաև մի խումբ մարդիկ, բնապահպաններ, գործի նվիրյալներ, ովքեր փորձում են պաշտպանել ոչ միայն իրենց իրավունքները իրենց իսկ հայրենիքում մաքուր ջրի, օդի, բնության հասանելիություն ունենալու համար, այլ նաև այն սերունդների, որոնք գալու են մեզնից հետո։ Հասարակական կազմակերպություններից Հայկական Բնապահպանական ճակատը հստակ գործունեություն է ծավալում նաև հանքարդյունաբերության շահագործման դեմ։
Հույս ունենաք, նաև որ նոր ընտրված կառավարությունը առաջնահերթ խնդիրներից մեկը կհամարի հանքերի շահագործման դադարեցումը/նվազեցումը և տուրիզմի զարգացմանը։
<<ԷՅ Յու>> գրուպը հայտ է ներկայացրել Տավուշի մարզի Վազաշեն գյուղում անցկացնել հետազոտական աշխատանքներ հետագայում հանքարդյունաբերություն իրականացնելու նպատակով։
ԱՅսօր՝ 27,02,2019-ին Տավուշի մարզի Վազաշեն գյուղում, որը գտնվում իմ ծննդավայր Բերդից մոտ 50 կմ հեռավորության վրա, հանդիպում է կազմակերպվելու խնդրի լուծման տարբերակները քննարկելու համար։
Ամուլսարի ոսկու հանքի շահագործման դեմ իրականացվող պայքար